Zallan bizi :: Garapena

Toki Garapeneko eta Enplegu Sailaren helburu orokorra ondoko hau da: Zallako udalerrian enpresa-jarduerak eta lana sortzea.

Helburu hori aurrera ateratzeko, ondoko jardun-lerroak diseinatu ditugu:

Enplegu programak

Enplegu-Prestakuntza programak

Enplegurako lanbide-orientazioa eta Nork bere lana sortzeko laguntza.

Lan Publikoko eskaintzen gaineko informazioa

Enpresa-proiektu berriei buruz aholkatzea

I+E proiektuak bultzatzea

Ditugun sektore ekonomikoak bultzatzea

Bilboko Merkataritza Ganberako bulegoa sortzea

Enplegu programak

Aurten ere Zallako Udalak aurki jarriko du abian SPEE-Toki Korporazioak beste enplegu programa bat. Programa horren bidez, 10 pertsona kontratatuko dira:

- Ekonomia Zientzietan edo horren baliokidean lizentziaduna: bat

- Ikus-entzunezko Komunikazioan edo Kazetaritzan lizentziaduna: bat

- Lehen mailako ofizial igeltseroa: bat

- Elektronikari edo elektrikaria: bat

- Lehen mailako hiru ofizial administrariak: hiru

- Historian, Filologian edo horren baliokidean lizentziaduna; bat

- Aisialdirako hezitzailea: bat

- Peoi igeltseroa bat

Kontratu horiek lanaldi partzialekoak izango dira eta 6 hilabeteko iraupena izango dute. Kontratuak uztailaren 1etik aurrera gauzatuko direla aurreikusita dago.

Kontratuak egin ahal izateko, enplegu-eskaintzak Estatuko Enplegu-zerbitzu Publikoan aurkeztuko dira.

Enplegu-Prestakuntza programak.

Enplegu-Prestakuntza programak. Enplegu tailerrak. 2009-2010 urteetan, Zallako IV. Enplegu Tailerra egingo da. Horren bidez, 20 pertsonari eskaini diegu prestakuntza, zurgintza eta igeltserotza arloan hain zuzen. Programa hau mistoa da, hau da, enplegua eta prestakuntza eskaintzen ditu. Urtebeteko iraupena du. Horren bidez, partaideek lan-trebakuntza egokia jasotzen dute, eta horri esker, etorkizunean, aukera hobeak izango dituzte lan merkatuan sartzeko.

OPEA (Enplegurako lanbide-orientazioa eta Nork bere lana sortzeko laguntza).

1998. urtetik, urtero, Zallako Udalak programa hau eskaintzen du SPEErekin batera. Horren bidez, lanik ez duten pertsona bakoitzak lan orientabidea jaso ahal du, eta etorkizunean, pertsona horiek aukera handiagoak izango dituzte lanean sartzeko, bai kontratupean, bai norberaren kontuan.

Lan Publikoko eskaintzen gaineko informazioa

Zonaldeko enpresen eskaria lan bila ari diren pertsonei hurbildu nahi diegu. Pertsona horiek enplegu-eskaintzak jasoko dituzte. Zure Curriculum Vitae helarazi ahal diguzu hurrengo helbidera: adlzalla@zalla.org.
Era berean, gugana heltzen diren lan-eskaintzak (publikoak zein pribatuak) eta lana aktiboko bilatzeari buruzko informazioa Toki Garapeneko eta Enplegu Sailaren informazio-paneletan eskegitzen ditugu (Gazte Zentroaren ondoan, Madres Irlandesas plaza 4, Zalla).

Enpresa-proiektu berriei buruz aholkatzea.

Urte osoan zehar, Toki Garapeneko eta Lan Agenteak laguntza eta aholkularitza zerbitzua eskaintzen dizkie Zallan enpresa-jarduera berria hasi nahi duten ekintzaile berriei. Besteak beste, hurrengo gaietan eskaintzen du laguntza: bideragarritasun-azterlana egitea, laguntza edo dirulaguntzei buruzko informazioa, dirulaguntzak tramitatzean laguntza eskaintzea, udalekiko edo bestelako erakundeekiko tramiteen gaineko informazioa, etab.

I+E proiektuak bultzatzea

Zallako Udalean, I+E proiektuak oso baliabide garrantzitsuak dira enpresa-ekimen berriak bultzatzeko eta lana sortzeko garaian.
SPEEri I+E kalifikazioa eskatzeko enpresak bete beharreko baldintzak ondoko hauek dira:

Kooperatiba edo lan-baltzuen proiektuetan langileak kontratatzea edo bazkide berriak izatea.

Enpresa sortzean aurreikusten den langile kopurua ez da 25etik gorakoa izango.

Enpresa berria izatea edo aurreko sei hileetan sortua.

Jarduera hasi gabe izatea.

Ondasun eta zerbitzuen ekoizpena azaleratzen ari diren jarduerekin loturik egotea. Edo ingurunean ohikoak diren jardueren artean, ase beteko beharrizanak estaltzea.

Teknika, ekonomia eta finantzari dagokionez, bideragarritasun baldintzak betetzea.

Jarduera hasi gabe izatea

Kalifikazio horri esker ondoko dirulaguntzak jaso ahal izango dira:

Enpresa-plana eta proiektuaren bideragarritasun-azterlana egiteko aholkularitza zerbitzua.

Onuradunei %50eko hobaria egingo zaie udaleko ondoko zerga hauetan

Eraikuntza, instalazio eta obrei buruzko zerga.

Hirigintza lizentziagatiko tasa.

Irekiera lizentziagatiko tasa.

Estatu Enplegurako Zerbitzu Publikoak eskaintzen dituen dirulaguntzak lortzea (finantza dirulaguntza, lan-kontratu finkoa egiteagatiko dirulaguntza, kooperatiba eta lan-baltzuetako dirulaguntzak, gerentzia funtzioari laguntzeko dirulaguntza, laguntza teknikoko dirulaguntza -trebakuntza maila goreneko teknikariak kontratatzeko-).

Proiektu horien gaineko informazio gehiago lortu nahi izanez gero, Toki Garapeneko eta Lan Agentearengana jo. Madres Irlandesas plaza 4, 48860 Zalla. Telefonoa 94 6671039.

Ditugun sektore ekonomikoak bultzatzea

Merkataritza zentroei, enpresei eta profesionalei informazioa eta aholkularitza zerbitzua eskaintzen dizkiegu prestakuntzaz, azpiegiturak modernizatzeko existitzen diren dirulaguntzez, ...

Merkataritza Ganberako Bulegoa.

Bilboko Merkataritza Ganberak espazio konpartitzen du udaleko Garapen Sailarekin batera. Bulego berria 2006ko otsailean zabaldu zen. Proiektu hau aitzindaria izan da; izan ere, lehen aldiz irten da bulegoa Bilbo Handitik Zallara zein Enkarterrira zerbitzuak eskaintzeko. Horrela, enpresek erraztasun handiagoak dituzte tramiteak egiteko garaian. Helburua da Bizkaiko per capita errenta txikiena duen eskualdean garapen sozio-ekonomikoan laguntzea, bai inguruko enpresen lehiakortasuna landuz, bai enpresa-jarduera berriak sortuz.

Merkataritza Ganberak zerbitzu asko eskaintzen ditu. Batzuk doakoak dira; beste batzuk, aldiz, enpresek ordaintzen dituzte kuotei esker, eta beste batzuk, merkatu-prezioetan eskaintzen dira:

Enpresetarako informazioa

Aholkularitza zerbitzua

Enpresak sortzea

Camerclub: erosketetako onurak

Negozio Zentroa.

Kanpo sustapena eta nazioartekoa

Prestakuntza