Zallan bizi :: Tokiko agenda 21

 
 ZER DA TOKIKO AGENDA 21?
 
Tokiko agenda 21 prozesu dinamiko, etengabea eta parte hartzekoa da. Prozesu horretan, jasangarritasunean oinarritutako gizarte eredua lortze aldera, biztanleek gizarte, ekonomia eta ingurumen arloetako aspektu garrantzitsuak identifikatu egingo dituzte.
Prozesua ezartzeko garaian, hainbat urrats eman beharko dira:


  • Motibatzea eta sentsibilizatzea.

  • Herritarren partaidetzako foroak.

  • Ekonomia, gizarte eta ingurumen diagnosia.

  • Garapen jasangarriko ekintza plana.

  • Garapen jasangarriko ekintza planaren jarraipena eta kontrola egitea.
Tokiko Agenda 21, kontzeptu gisa, Ingurumenari eta Garapenari buruzko Nazio Batuen Konferentzian edo “Lurraren Gailurrean” sortu zen (Rio de Janeiro, Brasil, 1992ko ekaina).

Kontzeptu horretatik abiatuta, (Tokiko agenda 21) GARAPEN JASANGARRIA terminoa dugu; hau da, horren ondorioz, egungo belaunaldien betebeharrak asetzeko garatze sistema egokia aurkitu behar dugu, baina etorkizuneko belaunaldien betebeharrak asetzeko ahalmenari kalterik egin gabe.

 
 GURE UDALERRIAREN EGUNGO EGOERA
 
2006ko martxoaren 16an, Zallako Udalak udalerriko Iraunkortasuneko Ekintza Plana onetsi zuen osoko bilkuran. Udalerria hobetzeko ekintza zehatzak jasotzen ditu Ekintza Planak, eta ekintza horien interesaren, garrantziaren eta zailtasunaren arabera, epe laburrean,ertainean edo luzean gauzatuko ditugu.

Proiektuaren barruan 98 ekintza zehaztu ditugu. Ekintzok programa batzuen barruan kokatuta daude, eta horiek, era berean, estrategia-ildoen barruan daude jasota.


  • Estrategia-ildoak: Ekintza Planaren lanerako arlo handiak dira.

  • Jarduketa-programak: Estrategia-ildo bakoitzaren helburu zehatzak dira.

  • Ekintzak: Esku-hartze edo proiektu zehatzak dira. Ondo azalduta daude.
Ekintza Plana udaletxean dugu; eta kontsultatu nahi izanez gero, herritarren esku dago.
 
 PARTAIDETZARAKO ERAK
 

  • Garapen jasangarriranzko urratsak eman eta Zallako herritarren bizi-kalitatea hobetze aldera, Tokiko agenda 21 proiektuaren bidez, iradokizunetarako postontzi berdeak instalatu ditugu udaletxean. Postontziei esker, herritarrek iritziak eta iradokizunak helarazi ahal dituzte ingurumen, ekonomia eta gizarte arloetako arazoak hobe ditzagun.

  • Tokiko agenda 21 proiektuan parte hartzeko badira beste era batzuk. Izan ere, zure ekarpenak hurrengo helbide elektronikora bidali ahal dituzu: agenda21@zalla.org. Modu horretan zure datu pertsonalak datu-basean erregistratuko ditugu, eta Tokiko agenda 21 proiektuari lotutako ekintzen berri emango dizugu aldian-aldian.

  • Herritarren partaidetza sustatzeko, foroak ezinbesteko tresnak dira. Foro horiek aldian-aldian antolatzen ditugu. Herritarren partaidetzako foroen bidez, udalerriko auzokideek hainbat arlotan egingo dute lan: mugikortasuna, ingurumena, gizarte zerbitzuak, kultura, euskara, etab.


 
 ESKOLAKO AGENDA 21
 
2006/2007 ikasturtean, Eskolako Agenda 21 proiektuari ekin diote Zallako ikastetxeetan. Ikastetxe bik hartu dute parte proeiktuan:


  • CP Mimetiz LHI.

  • IES Zalla BHI.

Eskolako Agenda 21en bidez, ikasleek ingurumeneko arazoak aztertu eta ulertu ahal izango dituzte. Gauzak horrela, bidezko gizartea eta ekologia aldetik jasangarriagoa den gizartea lortzeko erantzukizuna hartuko dute ikasleek.
Jasangarritasunarekiko konpromiso horrek hezkuntza-proiektua aldarazi egin du. Beraz, eskola inguruan kudeaketa jasangarria egin behar izango dute, eskolako curriculuma berritu behar izango dute eta komunitateak ere parte hartu behar izango du.
Proiektuari esker, ikasleek era arduratsuan hartu ahal izango dute parte ikastetxearen eta berorren ingurunearen kudeaketan.


 
 Tokiko eskola agenda 21 - 2007/08
 

Ikasturte honetan Tokiko Eskola Agenda 21ean askoz ere parte hartzaile gehiago egon dira;  Mimetiz HI eta Zalla DBHko ikasleez gain, Maristas San Miguel ikastetxeko ikasleek ere esku hartu dute.
Ikasleek, ikasturte osoan zehar, ikastetxearen eta berorren ingurune hurbilaren diagnostikoa eta ekintza-plana eratuko dute, hondakinak gaitzat harturik.


Tokiko  Eskola Agenda 21en prozesuaren helburuak
Ikastetxe eta udalerriaren ingurumen-kalitatean eragina duten erabakiak hartzeko egitura sortzea.
Ikastetxean eta udalerrian garapen iraunkorrean oinarriturik bizi izateko erabakiak hartzea.
Hezkuntza-komunitateko agente guztien arteko koordinazio-tresnak sendotzea.
Tokiko Agenda 21ean parte hartu eta gizarte eta lurralde ingurunean txertatzea.
Ikastetxe eta inguruneko gizarte eta ingurumen arloko gaiak aztertu, identifikatu eta alternatibak proposatzea, foroetan aurkeztea eta ingurunearen erabilera iraunkorrerako prozesuak abiaraztea.
Ikastetxearen eta berorren ingurunearen  ingurumen-kalitatean eragina duten gaietan, ikasleek parte hartu,  lan egin eta erabakiak hartzeko ohitura hartzea.
Hezkuntzako zentroa jardunbide arduratsuaren eredugarria izatea ingurumenarekiko.
Curriculuma egokitzea, garapen iraunkorraren eskakizunei erantzuteko.